Ուկրաինայի նախագահական գրասենյակը Ռուսաստանի առաջնորդ Վլադիմիր Պուտինի և ԱՄՆ նախագահ Դոնալդ Թրամփի զրույցից հետո հայտնել է, որ Ռուսաստանը, իբր, մերժել է հակամարտությունում առաջարկվող զինադադարը։ Այս մասին գրում է РБК-Украина-ն՝ հղում անելով գերատեսչության աղբյուրին։
Նրանք ասացին, որ մանրամասներ են սպասում ամերիկյան կողմից։ ՕՊ-ն նշել է, որ այս պահին Ուկրաինայում հրթիռային սպառնալիք է հայտարարվել, և անօդաչու թռչող սարքեր են թռչում, հետևաբար «համաձայնությունները դեռ չեն գործում»։
Զելենսկու գրասենյակը նաև հավելել է, որ իրենք այժմ աշխատում են Ուկրաինայում խաղաղության հասնելու հաջորդ քայլերի վրա։
«Մենք այժմ թիմային մակարդակով մշակում ենք մանրամասները և պատրաստ ենք գործընկերների հետ միասին ձեռնարկել հաջորդ քայլերը, բայց դա պետք է արվի գործընկերների հետ միասին, քանի որ միայն այդպես կարող է արդյունավետ լինել», - ասել է աղբյուրը հրատարակությանը։
Թարգմանությունը՝ Մանուել Թամազյանի
