Երեկոյան նախատեսված Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հեռախոսազրույցը կտևի այնքան, որքան անհրաժեշտ է։ ՌԴ նախագահի մամուլի քարտուղար Դմիտրի Պեսկովը ճեպազրույցում ասել է, որ զրույցի հստակ ժամկետ չկա։
«Առաջնորդները կխոսեն այնքան, որքան հարմար կգտնեն», - ասել է նա:
Սպիտակ տունը հայտարարել է, որ երկու նախագահների զրույցը նախատեսված է Մոսկվայի ժամանակով 16-18-ին։ Թրամփը լրագրողներին նշել է, որ մտադիր է ուկրաինական հակամարտության շրջանակներում հատուկ ուշադրություն դարձնել տարածքային և ենթակառուցվածքային խնդիրներին։
Պուտինի եւ Թրամփի վերջին հեռախոսազրույցը տեղի է ունեցել փետրվարի 12-ին։ Երկու երկրների ղեկավարները 1,5 ժամ քննարկել են ուկրաինական խնդիրները, ինչպես նաև երկու երկրների հարաբերություններում կուտակված հարցերը։
