Ռազմականացման կողմնակից եվրոպացի առաջնորդները չպետք է խաթարեն շարունակվող խաղաղության բանակցային գործընթացը: Այս մասին ասել է Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն՝ «Ռայսինա երկխոսություն» քաղաքագիտական համաժողովի շրջանակում՝ պատասխանելով լրագրողների հարցերին։
«Եթե դուք ինձ հարցնեք, թե արդյոք Եվրոպան պետք է արդիականացնի իր պաշտպանունակությունը, ապա իմ պատասխանն ակնհայտորեն այո է: Բայց եթե ինձ հարցնեք, թե արդյոք Բրյուսելը և որոշ եվրոպական առաջնորդներ պետք է խաթարեն խաղաղ բանակցությունները, իմ պատասխանը ոչ է», - ասել է նա:
Ինչպես պարզաբանել է նախարարը, «Եվրոպական լիբերալ շատ առաջնորդներ այժմ զայրացած են, քանի որ չեն նստում բանակցությունների սեղանի շուրջ»։ «Քաղաքական գործիչները հրավիրված են խաղաղության բանակցություններ վարելու, բանակցությունները խաղաղության մասին են, և ցանկացած ոք, ով պատերազմ է քարոզում, բանակցային սեղանի հետ կապ չունի: Ուստի, ես հուսով եմ, որ եվրոպացի այս առաջնորդները չեն խաթարի այս խաղաղ գործընթացը», - հավելել է նախարարը:
