ՄԱԿ-ի գլխավոր քարտուղար Անտոնիո Գուտերեշը «ցնցված է» Գազայի հատվածում Իսրայելի օդային հարվածներից, ասվում է ՄԱԿ-ի հայտարարության մեջ։
«Գլխավոր քարտուղարը ցնցված է Գազայի հատվածում իսրայելական օդային հարվածներից, որոնց հետևանքով զգալի թվով խաղաղ բնակիչներ են զոհվել»,- ասվում է փաստաթղթում։
Գուտերեշը կոչ է անում հավատարիմ մնալ հրադադարին, վերականգնել անխոչընդոտ մարդասիրական օգնությունը և անվերապահ ազատ արձակել մնացած պատանդներին։
Երկուշաբթի լույս երեքշաբթի գիշերը Իսրայելի պաշտպանության ուժերը վերսկսել են հարձակումները Գազայի հատվածի վրա։ Իսրայելի վարչապետ Բենիամին Նեթանյահուն ասել է, որ հարձակումները շարունակվել են պաղեստինյան ՀԱՄԱՍ շարժման կողմից հրադադարը երկարաձգելու և պատանդներին ազատ արձակելու ամերիկյան ծրագրին մերժելու պատճառով։
