ԱԺ նախագահ Ալեն Սիմոնյանը լրագրողների հետ զրույցում հայտարարեց՝ Ադրբեջանն է այլևս ԵՄ դիտորդներին պահում հայ–ադրբեջանական սահմանին:
«Եթե Ադրբեջանին այդքան անհանգստացնում են ԵՄ դիտորդները, ինքն է այդ դիտորդներին այլևս պահում Հայաստանի և Ադրբեջանի սահմանին:
Որովհետև այն պահից սկսված, երբ որ ինքը կստորագրի, մեր պայմանավորվածությունը կմտնի ուժի մեջ»,-ասաց նա:
Դիտարկմանը, որ ԵՄ դիտորդներին սահմանից հանելը Ադրբեջանին հնարավորություն կտա հրադադարի ռեժիմը պարբերաբար խախտել և դրանում մեղադրել հայկական կողմին, ԱԺ նախագահն արձագանքեց.
«Եթե խաղաղության պայմանագիրը ստորագրելուց հետո էլի պետք է հարձակում տեղի ունենա Հայաստանի վրա, ԵՄ դիտորդների ներկայության ժամանակ էլ տեղի կունենա այդ հարձակումը, ի՞նչ տարբերություն:
Եթե փաստաթուղթ ես ստորագրում, պայմանական գնում ես ԵՄ ղեկավարների ներկայությամբ կամ ինչ-որ երկրների նախագահների վկայությամբ ստորագրում ես և հետո հարձակվում ես Հայաստանի վրա, եթե կարող ես քեզ թույլ տալ, ԵՄ դիտորդների վրա էլ կկրակեն, կհարձակվեն»,- ասաց նա:
