«Ամուսնալուծվելուց հետո 40 տարեկան էի, կարող էի նորից ամուսնանալ, բայց միշտ կատակով ասում էի՝ մի անգամ հիմարություն անելուց հետո, նորից նույնը չես անի:
Եթե ասեմ, որ այնքան աննկատ էի, որ ոչ ոք առաջարկություն չի արել, սուտ կլինի, բայց ես ինքս չեմ ուզել, որովհետև աղջիկներ ունեի, պիտի ամուսնացնեի, ուսման տայի: Մի քանի տեղ էի վազվզում, որ հասցնեի, իսկ նրա պետքը չէր»,- խոսելով իր ամուսնալուծության ու դստերերին մեծացնելու մասին՝ «Կյանքի ուղիներով» հաղորդման շրջանակներում, պատմել է դերասանուհի Ջուլիետա Բաբայանը:
«Փոքր աղջիկս ուզում էր դերասանուհի դառնալ, ես չթողեցի, վատ տարիներ էր: Ասացի՝ տեսնում ես ինչ վիճակ է, ի՞նչ դերասանուհի, պիտի անընդհատ կախված լինես ռեժիսորից, դեր կտա, թե չի տա, ես տանջվել եմ, դու մի տանջվիր:
Չնայած շատ շնորհքով է: Գեղարվեստի ակադեմիայի արվետաբանական բաժինն ավարտեց:
Մեծ աղջիկս մի օր ինձ ասաց՝ վաղուց պիտի բաժանվեիր: Բայց իրենք իրենց հորը շատ լավ պահել են: Շատ ճիշտ եմ դաստիարակել իմ աղջիկներին: Հիմա նրանք ամուսնացել են, ընտանիք ունեն, երեխաներ ունեն»,- պատմել է դերասանուհին:
