Եթե Հայաստանը գտնում է, որ պետք է ԵՄ դիտորդները դուրս գան, պետք է դուրս գան, բայց հիմա այս իշխանությունները համարում են, որ եվրոդիտորդների առկայությունը խաղաղության էական բաղադրիչ են:
Այս մասին, այսօր՝ մարտի 14-ին, ԱԺ-ում լրագրողների հետ զրույցում նշեց «Հայաստան» խմբակցության պատգամավոր Արթուր Խաչատրյանը՝ անդրադառնալով խաղաղության համաձայնագրին:
«ԵՄ դիտորդների հարցում մեր վերապահումը ինչի՞ն է վերաբերվում. առաջինը մենք պահանջում ենք որպեսզի համաձայնեցվի մանդատը ինչի համար են նրանք այստեղ և պահանջում ենք որ Հայաստանի իշխանություններին իրավունք տրվի կազմը հաստատելու: Այսինքն մենք չենք ասել որևէ մեկը այստեղ հանկարծ չպետք է գա:
Գալիս են, ովքերով են գալիս և ինչի համար են գալիս, դա է խնդիրը:
Բայց եթե իրենք նպաստում են Հայաստանի անվտանգության, կայունության և այլն կամ անկախ որևէ բանից, եթե Հայաստանի ինքնիշխան դիրքորոշումը պահելն է, ո՞վ դարձավ Ադրբեջանը կամ ինչու պիտի Ադրբեջանը պահանջի դուրս բերել դիտորդներին»,-ասաց նա:
