Մարտի 12-ին Լեհաստանի վարչապետ Դոնալդ Տուսկը Թուրքիայի նախագահ Ռեջեփ Թայիփ Էրդողանի հրավերով մեկնել է Թուրքիա։ Աշխատանքային այցի շրջանակներում կողմերը քննարկել են երկկողմ հարաբերությունները և Եվրամիության խորհրդում Լեհաստանի նախագահության շրջանում Թուրքիա-ԵՄ հարաբերությունները, ինչպես նաև քննարկվել են տարածաշրջանային ու գլոբալ հարցեր՝ Ուկրաինայի ու անդրատլանտյան հարաբերությունների վերաբերյալ։Համատեղ մամուլի ասուլիսի ընթացքում Էրդողանը, անդրադառնալով ռուս-ուկրիանական հակամարտությանը, նշել է, որ Ուկրաինայում կայուն խաղաղություն հաստատելու համար Թուրքիան պատրաստ է ամեն կերպ նպաստել դրան և Լեհաստանի վարչապետն էլ աջակցություն է հայտնել այդ գործընթացում Թուրքիայի ակտիվ դերակատարությանը։
«Մենք ցանկանում ենք, որ մեր երկու հարևանները պպատերազմն ավարտեն արդար խաղաղությամբ։ Մենք կարևոր ու դրական ենք համարում, որ Ուկրաինան ԱՄՆ-ի հետ բանակցություններում ընդունել է հրադադարը ու հուսով ենք, որ Ռուսաստանն էլ կառուցողական պատասխան կտա»,- հայտարարել է Էրդողանը։Լեհաստանի վարչապետը Թուրքիային առաջարկել է ակտիվ դերակատարում ունենալ ռուս-ուկրաինական հակամարտության խաղաղ կարգավորման գործում և նշել Ուկրաինայի վերականգնման գործում լեհական և թուրքական ընկերությունների մասնակցության հնարավորության մասին։Անդրադառնալով Եվրամիության ԵՄ-ի հետ հարաբերություններին՝ Էրդողանը նշել է, որ Թուրքիան ցանկանում է ԵՄ-ի հետ հարաբերությունները զարգացնել փոխշահավետության և հարգանքի հիման վրա։
Լեհաստանի վարչապետն էլ նշել է, որ Թուրքիայի անդամակցությունը ԵՄ-ին կլինի իրտաեսական ու կոնկրետ և Լեհաստանն այդ հարցում միշտ աջակցել է ու կշարունակ աջակցել Թուրքիային։
