ՌԴ նախագահ Վլադիմիր Պուտինը ցավակցություն է հայտնել Պակիստանի ղեկավարությանը մարդատար գնացքի վրա տեղի ունեցած ահաբեկչության ողբերգական հետեւանքների կապակցությամբ, համապատասխան հեռագիրը հրապարակվել է Կրեմլի կայքում:
«Հարգելի պարոն նախագահ, հարգելի պարոն վարչապետ, ընդունեք իմ խորին ցավակցությունները Բելուջիստան նահանգում մարդատար գնացքի վրա տեղի ունեցած ահաբեկչության ողբերգական հետևանքների կապակցությամբ, մենք խստորեն դատապարտում ենք այս դաժան և ցինիկ հանցագործությունը, որի զոհերի թվում կան բազմաթիվ կանայք և երեխաներ։
Պուտինը բարձր է գնահատել Պակիստանի զինվորականների և իրավապահ մարմինների աշխատակիցների խիզախությունն ու բարձր պրոֆեսիոնալիզմը՝ ասելով, որ նրանց վճռական գործողությունները հարյուրավոր կյանքեր են փրկել։
Պետության ղեկավարը հավելել է, որ Ռուսաստանը պատրաստ է էլ ավելի մեծացնել համագործակցությունը պակիստանցի գործընկերների հետ ահաբեկչության բոլոր դրսեւորումների դեմ պայքարում։
«Խնդրում եմ ձեզ կարեկցանքի և աջակցության խոսքեր փոխանցել զոհվածների ընտանիքներին, ինչպես նաև շուտափույթ ապաքինման մաղթանքներ բոլորին, ովքեր տուժել են գրոհայինների ձեռքից»,- հավելել է Պուտինը։
