Մոսկվան ուշադիր հետևել է մարտի 11-ին Ջիդդաում ԱՄՆ-ի և Ուկրաինայի ներկայացուցիչների հանդիպմանը, ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք ուշադրությամբ հետևում ենք մարտի 11-ին Ջիդայում կայացած ԱՄՆ-ի և Ուկրաինայի ներկայացուցիչների հանդիպմանը, մենք ծանոթացել ենք արդյունքում ընդունված հայտարարությանը, որն այս պահին պաշտոնական հարցումներ չի ստացել։
Մենք մեր կողմից պատրաստ կլինենք քննարկել այնտեղ նախանշված նախաձեռնությունները՝ ամերիկյան կողմի հետ հետագա շփումների ընթացքում։ Կարող եմ ասել նաև, որ այսօր հնարավոր են նման շփումներ»,- ճեպազրույցի ժամանակ ասել է նա։
Ավելի վաղ Սպիտակ տան մամուլի քարտուղար Քերոլայն Լևիտը հայտնել էր, որ ԱՄՆ նախագահ Դոնալդ Թրամփի հատուկ բանագնաց Սթիվ Վիտկովը կայցելի Մոսկվա՝ ռուսական կողմին համոզելու ստորագրել Ուկրաինայում հրադադարի մասին համաձայնագիրը։
