57-ամյա մոդել և դերասանուհի Քրիստինա Ֆուլթոնը (The Doors, Snake Eyes) կարծում է, որ իր որդու՝ Ուեսթոնի հայրը՝ Նիկոլաս Քեյջը, մեղավոր է իր բոլոր խնդիրների համար։
Քրիստինա Ֆուլթոնին գտել են արյան լճակի մեջ պառկած Լոս Անջելեսի իր տան մոտ: Նա պատմել է, որ իր վրա հարձակվել է որդին՝ Ուեսթոնը, որը «մոլագար կատաղության» մեջ էր։ Նա ձերբակալվել է, սակայն ավելի ուշ ազատ է արձակվել 150,000 դոլար գրավի դիմաց, Ֆուլթոնը դատի է տվել իր երեխային հարձակման և ծեծի ենթարկելու համար։
Մյուս դատական հայցը վերաբերում է Նիկոլաս Քեյջին։ Դերասանը մեղադրվում է երեխայի «անփույթ հսկողության և ոչ պատշաճ դաստիարակության» մեջ։
«Ես կարծում եմ, որ Նիկոլասը պատասխանատու է։ Նա որդուն տալիս էր ամեն ինչ. Սա հանգեցրել է ագրեսիվ վարքի։ Ուեսթոնը ուժեղ սիրո և բուժման կարիք ուներ», - «Экспресс газета»-ի փոխանցմամբ՝բացատրեց Քրիստինան։
Նիկոլաս Քեյջի փաստաբանը հերքում է պնդումները.
«Մեղադրանքները անհեթեթ են ու անլուրջ։ Ուեսթոնը 34 տարեկան է, և նրա հայրը չի վերահսկում նրա վարքը և պատասխանատվություն չի կրում դրա համար»,-ասել է Քեյջի փաստաբանը։
Թարգմանությունը՝ Euromedia24.com-ի
