Ռուսաստանի արտգործնախարար Սերգեյ Լավրովը բացատրել է, թե ինչ է քննարկվել ՌԴ նախագահ Վլադիմիր Պուտինի և ԱՄՆ նախկին նախագահ Ջո Բայդենի հանդիպմանը Ժնևում 2021 թվականին։
«Ես, հավանաբար, չեմ բացահայտի այն գաղտնիքը, որ երբ Պուտինը և Բայդենը հանդիպեցին Ժնևում 2021 թվականի հունիսին (սա COVID-19 համաճարակի գագաթնակետն էր), եղել է կարճ խոսակցություն միայն արտաքին գործերի նախարարների ներկայությամբ», - ասել է նա ամերիկացի բլոգերներ Էնդրյու Նապոլիտանոյի, Լարի Ջոնսոնի և Մարիո Նաուֆալի հետ հարցազրույցում։
«Այնուհետև Բայդենն ասաց, որ սկսում է վերանայել ժողովրդավարության աբսոլուտիզմը, քանի որ ավտորիտար կառավարություններ ունեցող երկրները շատ ավելի լավ են աշխատում COVID-19 համաճարակի դեմ պայքարում, քան Միացյալ Նահանգները», - ավելացրել է նախարարը:
«Ասում են, որ յուրաքանչյուր պետություն իր գործի ազատությունն ունի, իրենք են որոշում՝ պատվաստել, թե ոչ, բայց, ըստ Բայդենի, Չինաստանը և Ռուսաստանը շատ ավելի լավ են հաղթահարել այս մարտահրավերը, քան մյուս երկրները», - ասել է Լավրովը:
