Ամերիկյան Maxar Technologies ավիատիեզերական ընկերությունը վերադարձրել է իր արբանյակային պատկերների հասանելիությունը Ուկրաինային: Այս մասին հայտնում է ուկրաինական «Զինվորական» մասնագիտացված պորտալը՝ հղում կատարելով ծառայության օգտատերերին։
Ուկրաինական աքաունթներից Maxar-ի նկարների հասանելիությունը դադարեցվել էր մարտի 7-ին այն բանից հետո, երբ դադարեցվել էր ամերիկյան ռազմական օգնության մատակարարումը Կիևին։ Ընկերությունը տրամադրում է երկրագնդի մակերևույթի տարբեր հատվածների բարձրորակ լուսանկարներ, որոնք օգտագործվում են հետախուզական նպատակներով։ Maxar-ը Ուկրաինայի զինված ուժերի համար նման պատկերների հիմնական մատակարարն էր։
Մարտի 11-ին Ջիդդաում ԱՄՆ-ի և Ուկրաինայի պատվիրակությունների միջև բանակցություններից հետո Վաշինգտոնը հայտարարեց Կիևին ռազմական օգնության վերսկսման մասին։ Միաժամանակ Ուկրաինան պատրաստակամություն է հայտնել համաձայնել 30-օրյա հրադադարին։
