Առնվազն 11 մարդ է զոհվել, երբ «Աշ-Շաբաբ»-ի ահաբեկիչները հարձակվել են Սոմալիի Բելեդվեյն քաղաքի Kagira հյուրանոցի վրա՝ տեղի ավագների հանդիպման ժամանակ։ Այս մասին հայտնում է Garowe Online-ը։
Ավելի վաղ Reuters-ը հայտնել էր չորս մահվան մասին:
Ըստ Garowe Online-ի, զոհերի թվում են տեղական խոշորագույն կլանների չորս ավագներ։ Ըստ հարձակման ականատեսի, սկզբում պայթյուն է տեղի ունեցել, որից հետո սկսվել են կրակոցները, ևս մեկ պայթյուն է տեղի ունեցել։ Նրա խոսքով՝ պայթյունների ու կրակոցների պատճառով հյուրանոցի մի մասը վերածվել է ավերակների։
Նախնական տվյալներով՝ հյուրանոցում տեղի է ունեցել հանրային հանդիպում, որին տեղի ավագներն ու Սոմալիի զինված ուժերի ներկայացուցիչները երիտասարդներին կոչ են արել մասնակցել «Ալ-Շաբաբ»-ի դեմ մարտերին։
Ահաբեկչական «Աշ Շաբաբ» խմբավորումն արդեն ստանձնել է հարձակման պատասխանատվությունը։ Խմբավորումը պնդում է, որ հարձակման հետևանքով զոհվել է ավելի քան 10 մարդ։
