Ֆրանսիան պատրաստ է տրամադրել իր սուզանավերը՝ հակազդելու «ռուսական սպառնալիքին», որը գոյություն ունի եվրոպական նավահանգիստների համար։ Այս մասին հայտարարել է Ֆրանսիայի զինված ուժերի նախարար Սեբաստյան Լեկորնուն՝ ելույթ ունենալով Փարիզի «Պաշտպանության և ռազմավարության ֆորումի» բացմանը։
«Մենք և Նիդեռլանդները՝ Եվրոպայի ամենամեծ քաղաքացիական նավահանգիստները, մեր բելգիացի ընկերների հետ միասին, ստիպված ենք եղել լուծել ականային պատերազմի մարտահրավերը, հիբրիդային սպառնալիքների մարտահրավերը՝ լինի ահաբեկչական, թե պետության կողմից հովանավորվող, մեր նավահանգստային տնտեսություններին, և դա հանգեցրել է ականային պատերազմի համատեղ ծրագրերի նոր սերնդի:
Նորվեգիայի, Մեծ Բրիտանիայի և այլ երկրների հետ միասին դուք առաջին շարքում նստած եք, այսպես ասած, ռուսական սուզանավերի սպառնալիքի դեմ պայքարում, որը, ինչպես բոլորս գիտենք, չի ազդել Ուկրաինայի պատերազմից, բայց որը մնում է հիմնական սպառնալիքը Եվրոպայի և նրա սահմաններից դուրս»,- ասել է Լեկորնուն՝ դիմելով իր հոլանդացի գործընկերոջը, ով նույնպես ներկա էր բացման արարողությանը։
Այս կապակցությամբ նախարարը վստահություն է հայտնել ֆրանսիական Barracuda դասի սուզանավերին՝ ասելով, որ Փարիզը «ցանկանում է ռազմավարական գործընկերություն հաստատել՝ հիմնված դոկտրինայի և վերլուծության վրա՝ շատ ավելի փոխգործունակություն ունենալու համար»։
