Ռուսաստանի արտգործնախարար Սերգեյ Լավրովը հայտարարել է, որ ԵԱՀԿ գլխավոր քարտուղար Ֆերիդուն Սինիրլիօղլուի հետ քննարկել է ուկրաինական հակամարտության կարգավորման ուղիները։
«Մենք խոսեցինք այն մասին, թե ինչպես կարող է կարգավորվել ուկրաինական հակամարտությունը»,- ասել է Լավրովը ԵԱՀԿ գլխավոր քարտուղարի հետ հանդիպման ավարտին կայացած մամուլի ասուլիսում։
Նա նշել է, որ Ռուսաստանի դիրքորոշումն այս հարցում հստակ է. «Նախագահ Պուտինն ընդգծել է բանակցությունների իր պատրաստակամությունը և այն սկզբունքները, որոնք չեն կարող անտեսվել, եթե մենք ցանկանում ենք հուսալիորեն լուծել այս հակամարտությունը՝ վերացնելով դրա հիմնական պատճառները», - հավելել է նախարարը։
