«Ապրելու երկիր» կուսակցության համահիմնադիր Մանե Թանդիլյանը ֆեյսբուքյան իր էջում գրում է․
«Արտավազդ Ալավերդյանը և Վարդան Ավագյանը միացել են հացադուլին՝ որպես խնդրանք Ռուբեն Վարդանյանին դադարեցնելու հացադուլը։
Հարյուրավոր քաղաքացիներ, այցելելով մեզ, իրենց աջակցությունն են հայտնում Բաքվի բանտերում գտնվող մեր հայրենակիցներին։
Հազարավորները սոցիալական ցանցերում իրենց բողոքն են արտահայտում՝ ընդդեմ Ադրբեջանի վայրագությունների։
Շատերը վաղը, ժամը 13:00-ին կմասնակցեն Կարմիր խաչի Երևանյան գրասենյակի դիմաց անցկացվող խաղաղ ակցիային։
Բազմաթիվ հայրենակիցներ նամակներ են գրում օտարերկրյա դիվանագետներին, պատգամավորներին՝ տեղեկացնելով Բաքվում տեղի ունեցողի մասին և ակնկալելով միջազգային հանրության հրատապ ու ազդեցիկ արձագանքը։
Սփյուռքի մեր հայրենակիցները անցկացնում են բողոքի ակցիաներ՝ ի աջակցություն գերիների։
Շարունակենք ցույց տալ աշխարհին, որ մենք հաշտ չենք, որ հայ ազգը պատասխանատու է իր հայրենակիցների համար»։
