ԱՄՆ զինվորականները կսկսեն տրանսգենդերներին ծառայությունից ազատել 30 օրվա ընթացքում, եթե նրանք անհատական ազատում չստանան։ Այս մասին ասվում է Պենտագոնի հուշագրում, որը հրապարակվել է ԱՄՆ նախագահ Դոնալդ Թրամփի՝ տրանսգենդերների համար զինվորական ծառայությունն արգելող հրամանագրի շուրջ դատավարության շրջանակներում։
«Սեռական դիսֆորիայի ախտորոշմամբ կամ պատմության, ինչպես նաև դրան համապատասխան ախտանիշներով զինծառայողները կազատվեն զինվորական ծառայությունից»,- ասվում է փաստաթղթում։
«Նախարարությունը ճանաչում է միայն երկու սեռ՝ արական և իգական սեռը անփոփոխ է և չի փոխվում ողջ կյանքի ընթացքում», - ընդգծվում է տեքստում։
Նշվում է, որ կոնկրետ անձանց համար բացառությունների հարցը կարող է դիտարկվել անհատական հիմունքներով միայն այն դեպքում, եթե առկա է «պետական համոզիչ շահագրգռվածություն՝ ծառայության մեջ պահելու մարտական ներուժն անմիջականորեն աջակցող զինծառայողներին»։
Նման բացառության հասնելու համար զինվորականը պետք է ապացուցի, որ երբեք չի փորձել փոխել իր սեռը, ինչպես նաև ցույց տա «36 ամսվա ընթացքում սեռի կայունություն»։
