Գազայի հատվածում վերջերս առնվազն 15 երեխա է մահացել հիպոթերմային և դրա հետ կապված բարդություններից: Այս մասին հայտնում է քաթարական Al Jazeera հեռուստաալիքը։Ժամանակավոր կացարանների և վառելիքի բացակայությունը՝ զուգորդված տարածաշրջանում ցրտերի հետ, ձմեռը վերածել է «մահացու սպառնալիքի հարյուրավոր պաղեստինյան ընտանիքների համար»:
Չնայած ծնողների կողմից երեխաներին տաք պահելու բոլոր միջոցներին, անկլավում առնվազն 15 նորածիններ են մահացել հիպոթերմային պատճառով։
Հեռուստաալիքի տվյալներով՝ Գազայում հրատապ անհրաժեշտություն կա առաջին անհրաժեշտության իրերի, վերմակների և տների ջեռուցման համար, իսկ հումանիտար օգնության և վառելիքի մատակարարումները տարածաշրջան դեռևս սահմանափակված են Իսրայելի իշխանությունների կողմից։Ավելի վաղ տեղեկություն էր ստացվել Գազա եւ Խան Յունիս քաղաքների հիվանդանոցներում վեց երեխայի մահվան մասին։
