Դաշնակցությունը Գյումրիի ՏԻՄ ընտրություններին մասնակցություն ունենալու է, թե ինչ ձևաչափով՝ կհայտարարենք։ Այս մասին ՀՅԴ 35-րդ ընդհանուր ժողովից հետո լրագրողների հետ զրույցում ասաց ՀՅԴ ԳՄ ներկայացուցիչ Իշխան Սաղաթելյանը։
«Մենք միշտ այն տեսակետին ենք եղել, որ պետք է լայն, ընդդիմադիր ճակատ ձևավորվի, որպեսզի արդյունավետ լինի»,-ասաց Իշխան Սաղաթելյանը՝ չպատասխանելով հարցին, թե 2026 թվականի խորհրդարանական ընտրություններին դաշինքո՞վ, թե՞ առանձին է մասնակցելու ՀՅԴ-ն։«Մինչև 2026 թվականը բավական բան է փոխվելու։
Կգա 2026-ը՝ կքննարկենք»,– ասաց նա։
