ԱՄՆ առողջապահության և մարդկային ծառայությունների նախարար Ռոբերտ Քենեդի կրտսերը երեք ամսով կասեցրել է պայմանագիրը կենսատեխնոլոգիական Vaxart ընկերության հետ, որը նոր պատվաստանյութ էր մշակում COVID-19-ի դեմ, հայտնում է Fox News-ը։
Հեռուստաալիքի տվյալներով՝ նոր կորոնավիրուսի դեմ պատվաստանյութի ստեղծումը եղել է ԱՄՆ նախկին նախագահ Ջո Բայդենի վարչակազմի նախաձեռնությամբ, դրա մշակման համար հատկացվել է մոտ 460 մլն դոլար, իսկ պատվաստանյութի հետ կապված նախնական հետազոտությունների համար հատկացվել է 240 մլն դոլար։
«Քենեդի կրտսերը կասեցրել է Բայդենի վարչակազմի բազմամիլիոնանոց պայմանագիրը՝ COVID-19-ի դեմ նոր պատվաստանյութ ստեղծելու համար։ Քենեդին հրաման է արձակել կասեցնելու պայմանագիրը ամերիկյան կենսատեխնոլոգիական Vaxart Inc. ընկերության հետ, որը նոր պատվաստանյութ է մշակում»,- ասել է Fox News-ը։
