Ֆրանսիայի նախագահ Էմանուել Մակրոնը Սպիտակ տանը ամերիկացի առաջնորդ Դոնալդ Թրամփի հետ հանդիպման ժամանակ նրան կոչ է արել ռազմական աջակցություն ցուցաբերել ֆրանսիական և բրիտանական զորքերին, որոնք ծրագրվում են տեղակայվել Ուկրաինայում խաղաղության համաձայնագրից հետո։ Այս մասին հայտնում է The Wall Street Journal-ը՝ վկայակոչելով անանուն բարձրաստիճան պաշտոնյայի։
Հրատարակության տվյալներով՝ Մակրոնը փորձել է ճնշում գործադրել Թրամփի վրա, որպեսզի աջակցություն ցուցաբերի եվրոպական ռազմական կոնտինգենտին, որը Փարիզն ու Լոնդոնը պատրաստ են Ուկրաինա ուղարկել հակամարտության ավարտից հետո։
WSJ-ի աղբյուրը նշում է, որ նախագահները չեն քննարկել այս հարցի մանրամասները։ Մակրոնը, հեռանալով Վաշինգտոնից, վստահ էր, որ փոխըմբռնման է հասել իր ամերիկացի գործընկերոջ հետ, նշվում է նյութում։
Ավելի վաղ հաղորդվել էր, որ Մեծ Բրիտանիան, Գերմանիան և Ֆրանսիան պատրաստակամություն են հայտնել իրենց զորքերը ուղարկել Ուկրաինա՝ հրադադար ապահովելու համար։
