Վրաստանի արտգործնախարար Մակա Բոթչորիշվիլին պաշտոնական այցով կլինի Անկարայում: Նախատեսվում է հանդիպում Թուրքիայի արտգործնախարար Հաքան Ֆիդանի հետ, որի ընթացքում նախարարները մանրամասնորեն քննարկելու են երկկողմ հարաբերություններին և տարածաշրջանին վերաբերող հարցեր:Թուրքիայի պետական հեռուստատեսությունը կանխավ տեղեկացնում է, որ Ֆիդանը ողջունելու է եվրաատլանտյան կազմակերպություններին ինտեգրվելու Վրաստանի ջանքերն ու հայտնելու է այդ հարցում Թուրքիայի ամուր աջակցությունը:
Նա նաև կարևորելու է Վրաստանի, Ադրբեջանի և Թուրքիայի միջև եռակողմ մեխանիզմի ձևավորումն ու նշելու, որ տարածարջանային համագործակցությունը նպաստելու է կայունությանն ու խաղաղությանը:Օրակարգում են լինելու նաև Բաքու-Թբիլիսի-Կարս երկաթուղու ամբողջական գործարկման համար անհրաժեշտ համատեղ քայլերին վերաբերող հարցեր:
Հանդիպմանը մտքեր են փոխանակվելու մեսխեթցի թուրքերին առնչվող հարցերի շուրջ ևս: Նախատեսվում է, որ Ֆիդանը վրացի գործընկերոջը հայտնելու է, որ Թուրքիան պատրաստակամ է տրամադրել ամեն տեսակ օգնություն մեսխեթցի թուրքերի Վրաստան վերադառնալու հարցում:
