ԱՄՆ իշխանությունները կստիպեն անօրինական միգրանտներին գրանցվել հատուկ գրանցամատյանում, հակառակ դեպքում՝ նրանց կսպառնա տուգանք կամ ազատազրկում։ Այս մասին հայտնում է The Wall Street Journal-ը, որը ձեռք է բերել նախաձեռնության նախագիծը։Համաձայն ԱՄՆ վարչակազմի պլանների՝ 14 տարեկան և ավելի բարձր տարիքի բոլոր անօրինական ներգաղթյալներից կպահանջվի ներկայացնել մատնահետքեր և տրամադրել իրենց տան հասցեները։
Եթե նրանք դա չանեն, նրանք կարող են տուգանվել մինչև 5000 դոլարով կամ ենթարկվել մինչև վեց ամսվա ազատազրկման։
Հրատարակությունը նշում է, որ նախկինում անձը կարող էր կալանավորվել և արտաքսվել ԱՄՆ-ում անօրինական գտնվելու համար, սակայն դա քրեական հանցագործություն չի համարվել։Այս նախաձեռնությունն իրականացնելու համար Վաշինգտոնը ցանկանում է օգտվել «ներգաղթի մասին օրենքի անորոշ դրույթներից», գրում է The Wall Street Journal-ը։
Սպասվում է, որ ռեգիստրի ստեղծումից հետո անօրինական ներգաղթյալներին կտրվի 30 օր՝ իրենց մասին տեղեկություններ տրամադրելու համար։
