Արևմտյան հետախուզական ծառայություններն ու քաղաքական գործիչները մտավախություն ունեն, որ Ռուսաստանի և ԱՄՆ-ի միջև բանակցությունները կարող են հանգեցնել Եվրոպայի մեծ մասերում ամերիկյան զորքերի ներկայության դադարեցմանը: Այս մասին գրում է Bild թերթը։
«Ըստ մեր տեղեկությունների՝ խոսքը 2021 թվականից Ռուսաստանի նախագահ Վլադիմիր Պուտինի պահանջների մասին է, այն է՝ ԱՄՆ զորքերը դուրս բերել ՆԱՏՕ-ի բոլոր այն երկրներից, որոնք միացել են դաշինքին 1990 թվականից հետո»,-Bild-ին ասել է Արևելյան Եվրոպայի անվտանգության ներկայացուցիչը։
Միաժամանակ, ինչպես նշում է հրատարակությունը, Իտալիան նույնպես պատրաստվում է չճանաչված Կոսովոյից ամերիկյան զորքերի հնարավոր դուրսբերմանը։ ԱՄՆ Եվրոպական հրամանատարության (EUCOM) տվյալներով՝ ներկայումս Եվրոպայում տեղակայված է մոտ 78 հազար ամերիկացի զինծառայող, այդ թվում՝ մոտ 37 հազարը՝ Գերմանիայում։
ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը հերքել է, որ Ռուսաստանը Էր Ռիադում բանակցությունների ժամանակ պահանջել է դուրս բերել ՆԱՏՕ-ի զորքերը Արևելյան Եվրոպայից։
