Իրավապահ մարմինների աշխատակիցները Մարսելում ՌԴ հյուպատոսարանի մոտ կասկածելի կոնտեյների վնասազերծման գործողություն են իրականացնում, որտեղ պայթյուն է որոտացել, հայտնում է LCI հեռուստաալիքը։
Ավելի վաղ BFMTV հեռուստաալիքը, վկայակոչելով քաղաքի հրշեջ ծառայությանը, հայտնել էր, որ դիվանագիտական ներկայացուցչության մոտ պայթյուն է որոտացել, դեպքի վայրում աշխատում են մոտ 30 հրշեջներ ու փրկարարներ։
Ավելի ուշ գլխավոր հյուպատոս Ստանիսլավ Օրանսկին տեղական Marseillaise հրատարակությանը հայտնել է, որ պայթյունը տեղի է ունեցել հյուպատոսության տարածքում։
«Ներկայումս ընթանում է «շիշի» վնասազերծման գործողություն»,- ասվում է հեռուստաալիքի հաղորդագրության մեջ։
Ռուսաստանի արտաքին հետախուզական ծառայությունն ավելի վաղ հայտնել էր, որ Ուկրաինան կարող է փորձել ահաբեկչություններ իրականացնել Եվրոպայում ռուսական դիվանագիտական ներկայացուցչությունների դեմ՝ խափանելու ուկրաինական հակամարտության կարգավորման բանակցությունները։
