ՌԴ Անվտանգության խորհրդի քարտուղար Սերգեյ Շոյգուն աշխատանքային այցով մեկնել է Ինդոնեզիա և Մալայզիա, որտեղ ծրագրվում են բանակցություններ երկկողմ հարաբերությունների ընթացիկ հարցերի, այդ թվում՝ անվտանգության և պաշտպանության հարցերի շուրջ։ Այս մասին հայտնում է ՌԴ Անվտանգության խորհրդի մամուլի ծառայությունը։
«2025 թվականի փետրվարի 24-ին Ռուսաստանի Դաշնության Անվտանգության խորհրդի քարտուղար Սերգեյ Շոյգուն միջգերատեսչական պատվիրակության գլխավորությամբ աշխատանքային այցով մեկնել է Ինդոնեզիա և Մալայզիա։
Ուղևորությունը կտևի մինչև փետրվարի 28-ը։ Այցի ընթացքում նախատեսվում են բանակցություններ երկկողմ հարաբերությունների արդի հարցերի, այդ թվում՝ անվտանգության և պաշտպանության, ինչպես նաև փոխադարձ հետաքրքրություն ներկայացնող այլ ոլորտներում համագործակցության զարգացման շուրջ»,- հայտնում է մամուլի ծառայությունը։
Նշվում է, որ նախատեսվում է նաև մտքերի փոխանակում միջազգային և տարածաշրջանային խնդիրների շուրջ։
