Հունգարիան դեմ է, որ Ուկրաինան առաջ անցնի Արևմտյան Բալկանների երկրներից ԵՄ գնալու ճանապարհին, ԵՄ-ն վարկաբեկելու է ընդլայնման քաղաքականությունը, ասել է Հունգարիայի արտաքին գործերի և արտաքին տնտեսական հարաբերությունների նախարար Պետեր Սիյարտոն։
«Մենք չենք ընդունում, որ Ուկրաինան առաջ է անցնում Արևմտյան Բալկանների երկրներից։ Եթե Եվրամիությունը անդամակցության բանակցություններում այժմ Ուկրաինային վեր դասի Արևմտյան Բալկանյան երկրներից, ապա նա կթքի այն չափանիշների համակարգի վրա, որը ինքն է ստեղծել։
Եվ Եվրամիությունն արդեն բավականաչափ տառապում է վստահության դեֆիցիտից, կարիք չկա ամբողջությամբ վարկաբեկել ընդլայնման քաղաքականությունը»,- ասել է Սիյարտոն մամուլի ասուլիսում։
Նախարարը հավելել է, որ «Հունգարիայի համար շատ դժվար է պատկերացնել, թե ինչպես կարող է Եվրամիության անդամ դառնալ մի երկիր, որի որոշումները մշտապես սպառնում են ԵՄ անդամ մյուս երկրների էներգետիկ անվտանգությանը և որը արմատապես խախտել է ազգային փոքրամասնությունների իրավունքները»։
