Ուկրաինային եվրոպական օգնության նոր փաթեթը կներկայացվի փետրվարի 24-ին Եվրահանձնաժողովի Կիև այցի ժամանակ, հայտարարել է պաշտպանության հարցերով եվրահանձնակատար Անդրիուս Կուբիլիուսը՝ հրաժարվելով մեկնաբանել այն հայտարարությունները, թե դրա ծավալն իբր «կհասնի հարյուր միլիարդ եվրոյի»։
Նրա խոսքով՝ Եվրահանձնաժողովը «քննարկում է ուժեղ ազդանշան ուղարկելու բոլոր հնարավորությունները», և նա շարունակում է «կանգնել Ուկրաինայի կողքին՝ անկախ նրանից, թե ինչ են անում մյուս երկրները»։
Նա կարծում է, որ «հակամարտության մեկնարկը երկուշաբթի օրը լավ հնարավորություն կլինի այդ ազդանշանն ուղարկելու համար»։ «Ինչ վերաբերում է այս օգնության չափին, ապա նշվում են տարբեր թվեր՝ մինչև հարյուր միլիարդներ, բայց ես դեռ պատրաստ չեմ դրա մասին խոսել, որպեսզի կեղծ ակնկալիքներ չստեղծեմ, սպասենք երկուշաբթիին», - եզրափակել է Կուբիլիուսը։
Եվրահանձնաժողովի ղեկավար Ուրսուլա ֆոն դեր Լաենը ավելի վաղ հայտարարել էր փետրվարի 24-ին Եվրահանձնաժողովի գրեթե ամբողջ կազմով Կիև այցի մասին։
