Եվրամիությունը կդադարեցնի ֆինանսական օգնություն տրամադրել Մոլդովային, եթե երկրում խորհրդարանական ընտրություններից հետո իշխանության գան ոչ եվրոպամետ կուսակցությունները, հայտարարել է Եվրախորհրդարանի պատգամավոր Զիգֆրիդ Մուրեսանը։
Եվրախորհրդարանը և ԵՄ անդամ երկրները չորեքշաբթի համաձայնության են եկել Մոլդովային աջակցության նոր ծրագրի շուրջ, ներառյալ էներգետիկ ճգնաժամի դեմ պայքարը, որի արժեքը կազմում է 1,9 միլիարդ եվրո: Քիշնեւի հետ պայմանավորվածության համաձայն՝ ավելի քան 500 մլն եվրոն կտրամադրվի դրամաշնորհների, մնացածը՝ վարկերի տեսքով։
Հունվարին Մոլդովայի կառավարությունը հայտարարեց, որ Եվրահանձնաժողովի հետ համաձայնեցրել է էներգետիկ անկախության և կայունության ռազմավարությունը: Այս համաձայնագրի շրջանակներում հանրապետությունը կստանա 250 մլն եվրո, այդ գումարի կեսը կուղղվի էլեկտրաէներգիայի փոխհատուցմանը մինչև 2025 թվականի վերջը։
