Միացյալ Նահանգները պետք է իր զորքերը ուղարկի Ուկրաինա՝ խաղաղությունը պահպանելու համար, ասել է Դանիայի վարչապետ Մետե Ֆրեդերիկսենը։
Փետրվարի 18-ին Սաուդյան Արաբիայում Ռուսաստանի և ԱՄՆ պատվիրակությունների միջև բանակցություններից հետո ԱՄՆ նախագահ Դոնալդ Թրամփը հայտարարեց, որ աջակցում է Ուկրաինա եվրոպական զորքերի տեղակայմանը։ Միաժամանակ, ԱՄՆ նախագահը հավելել է, որ չի պատրաստվում ամերիկյան զորքեր ուղարկել Ուկրաինա, և նրանք այնտեղ չեն լինի։
Ֆրեդերիկսենը Time ամսագրին տված հարցազրույցում ասել է, որ ՆԱՏՕ-ի կանոնադրության 5-րդ հոդվածը, իր կարծիքով, պետք է ուժի մեջ մտնի, եթե Ռուսաստանը «թեկուզ մեկ քայլ անի», որը կհակասի պայմանավորվածություններին։
