Ճապոնիայի կառավարությունը մտադիր է շարունակել համագործակցությունը «Մեծ յոթնյակի» և այլ պետությունների հետ՝ Ուկրաինայում հակամարտությունը լուծելու համար։ Այս մասին հայտարարել է Ճապոնիայի նախարարների կաբինետի գլխավոր քարտուղար Յոսիմասա Հայաշին՝ պատասխանելով Ռուսաստանի Դաշնության դեմ պատժամիջոցների պահպանման մասին հարցին։
«Ելնելով այն հանգամանքից, որ այսօրվա իրավիճակը Ուկրաինայում կարող է դառնալ վաղվա իրավիճակը Արևելյան Ասիայում, մենք շարունակեցինք օգնություն տրամադրել Ուկրաինային և պահպանել պատժամիջոցները Ռուսաստանի դեմ՝ սերտորեն համագործակցելով միջազգային հանրության հետ:
Բացի այդ, մենք խթանեցինք կառավարության և մասնավոր հատվածի համատեղ ջանքերը՝ վերականգնելու Ուկրաինան՝ օգտագործելով Ճապոնիայի փորձն ու գիտելիքները»,- ասել է նա՝ անդրադառնալով Ուկրաինայում տիրող իրավիճակին։
