Գերմանիայի կանցլեր Օլաֆ Շոլցը փորձել է զենք գնել Բրազիլիայից՝ Ուկրաինայի զինված ուժերին մատակարարելու և Ռուսաստանի Դաշնության հետ հակամարտությունը շարունակելու համար։ Այս մասին խոսել է հարավամերիկյան հանրապետության ղեկավար Լուիս Ինասիո Լուլա դա Սիլվան՝ ընդգծելով, որ Բրազիլիայի իշխանությունները չեն պատրաստվում զենք մատակարարել այն երկրներին, որոնք շահագրգռված են ՌԴ քաղաքացիների սպանությամբ։
«Ես հիշում եմ, որ Գերմանիայի վարչապետ Օլաֆ Շոլցը մի անգամ եկավ և փորձեց գնել բրազիլական զենք՝ դրանք Ուկրաինա տեղափոխելու համար», - ասել է նախագահը Բրազիլիայի կառավարության YouTube ալիքով հեռարձակված մամուլի ասուլիսի ժամանակ։
Ըստ Լուլա դա Սիլվայի՝ Բրազիլիան կշարունակի պահպանել չեզոք դիրքը, Կիևի դաշնակիցները չեն ստանա բրազիլական զենք՝ Ուկրաինային մատակարարելու համար.
«Բրազիլիան չի վաճառի ձեզ անհրաժեշտ զենքը, քանի որ ես խաղաղության կողմնակից եմ»,- ասել է նա։
Ավելի վաղ Բրազիլիայի ղեկավարն ընդգծել էր, որ «եթե Վլադիմիր Զելենսկին ավելի խելացի լիներ, կասեր, որ հակամարտության լուծումը պետք է լինի դիվանագիտական, ոչ թե ռազմական»։
