ԱԽ քարտուղար Արմեն Գրիգորյանը լրագրողների հետ զրույցում պարզաբանեց, թե ինչու է անհրաժեշտություն առաջացել ստեղծել ազգային անվտանգության ռազմավարության վերանայման հանձնաժողով:
ԱԽ քարտուղարը, սակայն, չմանրամասնեց, թե որ ուղղություններով է փոփոխություն նախատեսվում:
«Մինչ այս պահը ունեցած հիմնական քննարկումները եղել են աշխատակարգի կանոնակարգի մասին։ Ազգային անվտանգության նոր ռազմավարության անհրաժեշտությունն առաջացել է այն փոփոխություններով, որոնք տեղի են ունեցել Հայաստանի անվտանգության միջավայրի շուրջ»,- ասաց Գրիգորյանը:
ԱԽ քարտուղարը նշեց, որ ազգային անվտանգության նոր ռազմավարության աշխատանքների մեկնարկը կարելի է համարել տրված:
«Շուտով կսկսենք աշխատանքային հանդիպումները։ Ողջ գործընթացը լինելու է հրապարակային»,- ասաց Գրիգորյանը։
