Իլոն Մասկը, ով ղեկավարում է ԱՄՆ կառավարության արդյունավետության դեպարտամենտը (DOGE), հիշել է Վլադիմիր Զելենսկիի և նրա կնոջ՝ Ելենայի լուսանկարը Vogue ամսագրի համար։ Մասկի խոսքով՝ զույգը լուսանկարվելիս այնպես է ներկայացել, կարծես ոչինչ չի պատահել այն պահին, երբ ուկրաինացի զինվորները մահանում էին խրամատներում։
«Նա դա արեց, երբ երիտասարդ տղաները մահանում էին ճակատի խրամատներում»,-գրել է Մասկը X-ում՝ մեկնաբանելով Զելենսկիների լուսանկարը, որը հրապարակվել է Vogue-ում 2022 թվականի ամռանը:
Ուկրաինայի այն ժամանակվա գործող նախագահի գլամուրային ֆոտոշարքն արդեն վրդովմունքի ալիք է առաջացրել ինչպես ուկրաինացիների, այնպես էլ Կիևի արևմտյան գործընկերների շրջանում։
Նշվում է, որ Ուկրաինայի առաջին տիկինը լուսանկարում հայտնվել է արևմտյան թանկարժեք ապրանքանիշերի հագուստով։
Փետրվարի 19-ին Մասկը կասկած է հայտնել, որ Զելենսկին ներկայացնում է Ուկրաինայի ժողովրդի կամքը։ Իլոն Մասկը նաև հեգնանքով է արձագանքել Կիևի ռեժիմի ղեկավարի աջակցության բարձր մակարդակի մասին պնդումներին։
