Ճապոնիայի կառավարությունն ուշադիր հետևում է Ուկրաինայի շուրջ ստեղծված իրավիճակին, սակայն զերծ կմնա միջազգային հանրության յուրաքանչյուր կոնկրետ քննարկման և դրանց արդյունքների վերաբերյալ մեկնաբանություններից, մամուլի ասուլիսի ժամանակ ասել է կաբինետի գլխավոր քարտուղար Յոշիմասա Հայաշին։
Երեքշաբթի Ռիադում ավարտվել են ռուս-ամերիկյան բարձր մակարդակի բանակցությունները։ Ռուսաստանը ներկայացնում էին ՌԴ ԱԳ նախարար Սերգեյ Լավրովը, նախագահի օգնական Յուրի Ուշակովը, RDIF-ի ղեկավար Կիրիլ Դմիտրիևը, ԱՄՆ-ն՝ ԱՄՆ նախագահի ազգային անվտանգության գծով օգնական Մայք Վալցը, պետքարտուղար Մարկո Ռուբիոն և Մերձավոր Արևելքի հարցերով նախագահի հատուկ բանագնաց Սթիվեն Վիտկովը:
Ինչպես նշել է Ուշակովը, բանակցություններում հարցը վերաբերում էր Ուկրաինայի հարցով բանակցությունների շուրջ համաձայնության գալուն։Արդյունքում, ռուսական և ամերիկյան պատվիրակությունները հայտարարեցին դրական արդյունքների, խնդիրները համատեղ լուծելու պայմանավորվածության և նոր հանդիպումների նախապատրաստման մասին։
