Իսրայելի և պաղեստինյան ՀԱՄԱՍ շարժման միջև անուղղակի բանակցությունները Գազայի հատվածում հրադադարի համաձայնագրի երկրորդ փուլի շուրջ դեռևս չեն սկսվել։ Այս մասին ճեպազրույցում հայտարարել է վարչապետի խորհրդական, Կատարի արտաքին գործերի նախարարության պաշտոնական ներկայացուցիչ Մաջիդ բին Մուհամմեդ ալ Անսարին։
«Բանակցությունները դեռ պաշտոնապես չեն սկսվել»,- ասել է նա։ «Մենք աշխատում ենք, որպեսզի համաձայնագիրը կյանքի կոչվի այն տեսքով, որով այն կա։
Մենք փոխգործակցում ենք հակամարտող կողմերի հետ, որպեսզի նրանք հնարավորինս շուտ սկսեն բանակցությունները երկրորդ փուլի շուրջ»,- ասել է Կատարի ԱԳՆ ներկայացուցիչը։
«Համաձայնագրի համաձայն՝ առաջին փուլի պարամետրերը կկիրառվեն այնքան ժամանակ, քանի դեռ մենք համաձայնության չենք եկել երկրորդ փուլի շուրջ, մինչդեռ բանակցությունները շարունակվում են»,- ասել է Ալ-Անսարին։
