Սաուդյան Արաբիան, որը հարթակ է տրամադրել ռուս-ամերիկյան բանակցությունների համար, ներկայացնում էին Թագավորության արտաքին գործերի նախարար արքայազն Ֆեյսալ բեն Ֆարհան Ալ Սաուդը և պետական նախարարի կոչումով ազգային անվտանգության խորհրդական Մուսաեդ բին Մուհամեդ ալ-Այբանը։
Այս մասին գրում է ՏԱՍՍ-ը։ Նրանք նստել են բանակցությունների սեղանի գլխին, որի հետևում աջ կողմում նստած էին ՌԴ նախագահի օգնական Յուրի Ուշակովը և ՌԴ ԱԳ նախարար Սերգեյ Լավրովը, իսկ ձախում՝ ԱՄՆ երեք ներկայացուցիչներ՝ նախագահ Դոնալդ Թրամփի ազգային անվտանգության հարցերով խորհրդական Մայք Վալցը, պետքարտուղար Մարկո Ռուբիոն և Մերձավոր Արևելքի հարցերով ԱՄՆ առաջնորդի հատուկ բանագնաց Սթիվեն Ուիթկոն։
