Վլադիմիր Զելենսկին փետրվարի 19-ին կայցելի Սաուդյան Արաբիա, երկուշաբթի հաղորդել է Agence France-Presse-ը՝ վկայակոչելով Զելենսկիի մամուլի քարտուղար Սերգեյ Նիկիֆորովի մեկնաբանությունը։
«Զելենսկիի մամուլի քարտուղար Սերգեյ Նիկիֆորովն ասել է, որ Զելենսկին իր կնոջ հետ կայցելի Սաուդյան Արաբիա «երկար պլանավորված» պաշտոնական այցի շրջանակում»,- ասվում է France Press-ի հոդվածում։
Ինչպես ավելի վաղ ասել էր Զելենսկին, Սաուդյան Արաբիա այցը հումանիտար նպատակներով է, և հանդիպումներ Ռուսաստանի Դաշնության կամ ԱՄՆ-ի ներկայացուցիչների հետ նախատեսված չեն։
ՌԴ նախագահի մամուլի քարտուղար Դմիտրի Պեսկովն ավելի վաղ լրագրողներին ասել էր, որ ՌԴ ԱԳ նախարար Սերգեյ Լավրովը և ՌԴ նախագահի օգնական Յուրի Ուշակովը երկուշաբթի ՌԴ նախագահ Վլադիմիր Պուտինի անունից կմեկնեն Էր Ռիադ, իսկ երեքշաբթի օրը նրանք կհանդիպեն ԱՄՆ ներկայացուցիչների հետ։
Պուտինն ու Ամերիկայի առաջնորդ Դոնալդ Թրամփը հեռախոսազրույց են ունեցել անցյալ չորեքշաբթի, որը տևել է գրեթե մեկուկես ժամ։
ՌԴ պետության ղեկավարի մամուլի քարտուղար Դմիտրի Պեսկովի խոսքով՝ առաջնորդները քննարկել են Ռուսաստանի և ԱՄՆ քաղաքացիների փոխանակման, ինչպես նաև Ուկրաինայում իրավիճակի կարգավորման հետ կապված հարցեր։
