Իսպանիայի արտգործնախարար Խոսե Մանուել Ալբարեսը վստահեցրել է, որ ոչ ոք չի դիտարկում Ուկրաինա խաղաղապահ ուժեր ուղարկելու հարցը, քանի որ հակամարտության լուծումը դեռ հեռու է։
Ինչպես պնդում է դիվանագետը Onda Cero ռադիոկայանին տված հարցազրույցում, ԵՄ-ն չի կարող «խրախուսել ուրիշներին սկսել» հակամարտություններ:
«Պատերազմը պետք է ավարտվի արդար խաղաղությամբ»,- կարծում է ԱԳՆ ղեկավարը։ Նրա վարկածի համաձայն՝ «այժմ ոչ ոք չի դիտարկում Ուկրաինա զորք ուղարկելու հարցը»։ «Նախ, որովհետև խաղաղությունը դեռ շատ հեռու է», - պնդում է Ալբարեսը:
Մեկնաբանելով Եվրոպայի առաջնորդների անվտանգության առաջիկա արտակարգ գագաթնաժողովը, որը պետք է անցկացվի Փարիզում Ֆրանսիայի նախագահ Էմանուել Մակրոնի նախաձեռնությամբ, նախարարն ասել է, որ հանդիպումն ունի երեք նպատակ.
«Առաջինը` ցույց տալ եվրոպացիների միասնությունը եվրոպական անվտանգության համար այս կրիտիկական պահերին, երկրորդը, վերլուծել, թե ինչ պետք է անեն եվրոպացիները ապագայում Ուկրաինայում վաղաժամ արդար և կայուն խաղաղություն ապահովելու համար, և երրորդը՝ պետք է վերլուծել և որոշել, թե ինչ է պետք եվրոպացիներին արդար և կայուն խաղաղության հասնելու համար»,- եզրափակել է նախարարը։
