Նիդեռլանդները չի բացառում խաղաղապահներ ուղարկել Ուկրաինա, եթե որոշակի պայմաններ կատարվեն։ Այս մասին հայտարարել է Նիդերլանդների վարչապետ Դիկ Շոֆը, ում խոսքերը մեջբերել է De Telegraaf թերթը։
Հրատարակությանը տված հարցազրույցում նա նշել է, որ Մյունխենի անվտանգության համաժողովում, ի թիվս այլ հարցերի, քննարկվել է՝ «արդյոք Եվրոպան պատրաստ է մասնակցել խաղաղապահ ուժերին» Ուկրաինայում։
Ընդհանուր առմամբ, Նիդերլանդների կառավարության ղեկավարն ասել է, որ Նիդեռլանդները «դեմ չէ դրան, քանի որ հասկանում է, որ Եվրոպան պետք է քայլեր ձեռնարկի»։ Միևնույն ժամանակ, վարչապետն ընդգծել է, որ «հոլանդացիների մասնակցությունը Ուկրաինայում եվրոպական խաղաղապահ ուժերին պետք է պատշաճ կերպով քննարկվի», այդ թվում՝ ազգային խորհրդարանի կողմից։
Վարչապետի խոսքով՝ Նիդեռլանդների համար «չափազանց կարևոր» են երկու կետ՝ հստակ խորհրդարանական մանդատ՝ զորքեր ուղարկելու համար և աջակցություն Վաշինգտոնից։
