Պաղեստինը կարող է դադարել գոյություն ունենալ, եթե Իսրայելը փորձի միացնել Հորդանան գետի Արևմտյան ափը: Այս կարծիքը հայտնել է Մերձավոր Արևելքում Պաղեստինի փախստականների օգնության և աշխատանքի գործակալության (UNRWA) գլխավոր հանձնակատար Ֆիլիպ Լազարինին։
«Վտանգ կա, որ Պաղեստինը չի լինի: Վտանգ կա, որ Արևմտյան ափը կբռնակցվի, վտանգ կա, որ այն կդառնա ինչպես Հրեաստանը և Սամարիան՝ Մեծ Իսրայելի մի մասը:
Նրա խոսքով՝ այս առումով անհրաժեշտ է «կրկնապատկել մեր հավատարմությունը քաղաքական գործընթացին»։ Լազարինին նաև նշել է, որ այսօր պաղեստինցիների ապագան «չափազանց անորոշ է», քանի որ դեռևս հայտնի չէ, թե արդյոք Գազայում հրադադարը կշարունակվի, և ինչպիսին կլինի անկլավի վերականգնումն ու դրա հետագա կառավարումը։
Ավելի վաղ Sky News Arabia-ն հայտնել էր, որ արմատական ՀԱՄԱՍ շարժումը նամակ է ուղարկել Պաղեստինի ազատագրման կազմակերպությանը՝ տեղեկացնելով Գազայի հատվածը Պաղեստինի ազգային վարչակազմի և կառավարական կոմիտեի վերահսկողությանը հանձնելու պատրաստակամության մասին։
