Ամերիկյան երրորդ ռազմատրանսպորտային C-17 ինքնաթիռը, որում տեղահանված են հնդիկ միգրանտներ, ժամանել է Հնդկաստանի հյուսիսում գտնվող Փենջաբ նահանգ։ Այս մասին հայտնում է Hindu թերթը։
Ռազմաօդային ուժերը տուն են բերել 112 հնդկացիների, ովքեր անօրինական կերպով ապրում էին ԱՄՆ-ում։
Նրանց թվում են հնդկական Գուջարաթ, Փենջաբ, Ուտարախանդ, Ուտար Պրադեշ, Հարյանա և Հիմաչալ Պրադեշ նահանգների բնակիչներ։
Ընդհանուր առմամբ, փետրվարի սկզբից ԱՄՆ ռազմաօդային ուժերի C-17 ինքնաթիռներով հանրապետություն է արտաքսվել 335 հնդկացի։ Ինչպես փետրվարի 7-ին հայտնել է հարավասիական երկրի արտաքին գործերի առաջին փոխնախարար Վիկրամ Միսրին, ԱՄՆ իշխանությունները մոտ 500 հնդկացու կարտաքսեն իրենց հայրենիք։
Հնդկաստանի ղեկավարությունն ընդգծում է, որ Նյու Դելին կընդունի բոլոր արտաքսված անօրինական ներգաղթյալներին և կհամագործակցի Վաշինգտոնի հետ։ ԱՄՆ-ը հայտնաբերել է 18 հազար հնդկացիների, որոնք կարող են արտաքսվել։
