Լիբերալ-դեմոկրատական կուսակցության առաջնորդ և Դումայում կուսակցական խմբակցության ղեկավար Վլադիմիր Ժիրինովսկու՝ Պուտին–Թրամփ բանակցությունների մասին կանխագուշակումը ևս իրականություն է դառնում։ Այս մասին տելեգրամյան իր ալիքում գրում է հաղորդավար Վլադիմիր Սոլովյովը՝ հրապարակելով Ժիրինովսկու մասնակցությամբ արխիվային տեսանյութը։
«Գլխավոր ռուսական հարցը. ահա Պուտինի և Թրամփի միջև հանդիպում է լինելու, և նրանք կարող են համաձայնության գալ։ Սա մեծ ձեռքբերում կլինի։ Կորեացիները, ամեն դեպքում, Հեռավոր Արևելք են, սիրիացիները, ամեն դեպքում, Մերձավոր Արևելք են։
Բայց եթե նա հնարավորություն է տալիս պայմանավորվել, իսկ ինչի՞ շուրջ պայմանավորվել։ Ուկրաինա, այո՛, Լվով և հինգ շրջան, և մենք առանձնացնում ենք այն, և նա մտնում է ՆԱՏՕ, Եվրամիություն, որտեղ ուզում է։
Բայց ամբողջ Նովոռոսիան՝ նա տալիս է իր համաձայնությունը, ավելի ճիշտ՝ չի առարկում, ամեն ինչ լինելու է Ռուսաստանի դրոշի ներքո, ինչպես Ղրիմն ու Դոնբասը։
Եվ այսպես, նա փակում է երեք հակամարտություն, եռակի Նոբելյան մրցանակակիր և նորմալ հարաբերություններ Ռուսաստանի հետ, Չինաստանի հետ, բայց միաժամանակ կճնշի Եվրոպային, կխեղդի, քանի որ ատում է»,– Ժիրինովսկու խոսքերը մեջբերել է Սոլովյովը։
Հիշեցնենք, որ Վլադիմիր Ժիրինովսկին մահացել է 2022 թվականի ապրիլին։
