Քաղաքագետ Հակոբ Բադալյանը տելեգրամյան ալիքում գրում է․
«Ֆանտաստիկ» է, աներեւակայելի, ու պարզապես այսօրվա կառավարման ինստիտուցիոնալ «որակի» ապշելու ցուցիչ.
ուրեմն Շամշյանը հայտնում է, որ պարեկներն արդեն մի քանի օր է Եղվարդ-Աշտարակ ճանապարհի վրա ոտքը կոտրած մի ձիու են պահպանում, խնամում, ու սպասում են կենդանասերներին, կոչ են անում կենդանասերներին, կենդանաբանական այգու տնօրինությանը, գալ ու ձիուն օգնել: Եվ սա գրվում է տեսանյութին կից:
Հիմա հարց՝ այդ պարեկները, պարեկային հսկա ծառայությունը մի քանի օր է ճանապարհին հերոսական ու անձնուրաց «պարեկություն» են անում ձիու կողքը եւ սպասում կենդանասերների՞ն:
Էդ պարեկային ծառայությունը ո՞ր համակարգում է: Այո՝ ներքին գործերի նախարարության: Այդ նախարարության համակարգում է՞լ ինչ ծառայություն կա: Այո, արտակարգ իրավիճակների փրկարար ծառայություն:
Ուրեմն երկու-երեք օր պարեկները ճանապարհի եզրին ոտքը վնասված կանգնած ձի են խնամում, երկու-երեք օր իրենց ռեֆորմացված մի ամբողջ համակարգով էդ խեղճ կենդանուն հիմնարար օգնության ճարը չեն գտնում, ճանապարհի եզրաին կանգնած կենդանասեր ե՞ն սպասում: Վերջում էլ ճարը գտել են՝ Շամշյանին կանչեն, նկարեն, գցեն ֆեյսբու՞ք:
Թե՞ ՆԳՆ ռեֆորմատորների մտքի ծայրով չի անցել, որ մի օր կարող է ճանապարհին վնասված ոտքով ձի պատահել, այն էլ ձմռան ցրտին:
