«Եկեղեցուն կից հովվատանը բաքսի կա, գազ է լցվել, հոգևորականը չի զգացել հոտը, մտել է, կրակայրիչը վառել ու միանգամից պայթել է։ Տարածքում գտնվող այլ անձանց մասին տեղեկություններ չկան, երևի չեն էլ եղել այլ քաղաքացիներ»,- Oragir.News-ի հետ զրույցում ասաց Գեղարքունիքի մարզի Մարտունի քաղաքի բնակիչներից մեկը։
Նրա տեղեկություններով՝ Մարտունու Սուրբ Աստվածածին եկեղեցում տեղի ունեցած պայթյունի հետևանքով հոսպիտալացված Տեր Հակոբ Բարսեղյանն այս պահին դեռ բժիշկների վերահսկողության տակ է, բայց կյանքին վտանգ չի սպառնում։
Հիշեցնենք, որ այսօր՝ փետրվարի 15-ին, արտակարգ դեպք էր տեղի ունեցել Գեղարքունիքի մարզում․ Մարտունի քաղաքի Սուրբ Աստվածածին եկեղեցում պայթյուն էր տեղի ունեցել ինչի հետևանքով տուժել էր հոգևորական։ Նրան տեղափոխել են «Մարտունի» բժշկական կենտրոն։
