Բլոգեր Ալեքսանդր Լափշինը գրում է․
Ընկերներ, չհաստատված տեղեկությունների համաձայն, Բելառուսում Ադրբեջանի պահանջով ձերբակալվել է Հայաստանի քաղաքացի, հայկական շահերը ակտիվորեն պաշտպանող բլոգեր։ Նա հայտնի բլոգեր ունի TikTok-ում, YouTube-ում և Instagram-ում: Հայտնի է «Բելլայի մոտ» մականունով։ Անկեղծ ասած, ես չեմ ճանաչում այս աղջկան և մինչև այն պահը, երբ ինձ ասացին, որ նա ձերբակալված է, ես նույնիսկ չէի լսել նրա մասին։
Չորս օր առաջ նա իր վերջին հաղորդումներից մեկում կիսվել է, որ ադրբեջանցիներն իրեն սպառնացել են՝ ասելով, որ Բելառուսում ամեն ինչ «գնել են», և շուտով իրեն կձերբակալեն ու կարտահանձնեն Ադրբեջան։ Ինչին աղջիկը պատասխանել է, որ լուրջ չի վերաբերվում այդ սպառնալիքներին։
Իրավիճակը բարդանում է նրանով, որ առաջին հերթին Լուկաշենկոյի Բելառուսը ահաբեկչական պետություն է՝ դաշնակից Ադրբեջանի հետ, որտեղ չկա օրենք, չկա արդարադատություն, չկա կարգուկանոն։ Երկրորդ՝ Մինսկում Հայաստանի դեսպան չկա, ով վեց ամիս առաջ հետ է կանչվել՝ ի նշան Լուկաշենկոյի հակահայկական հայտարարությունների դեմ բողոքի։
«Ինչպես հիշում եք, ես ինքս Բելառուսի կողմից հետախուզվում եմ Լուկաշենկոյին «բռնապետ» անվանելու համար, և 2024 թվականի սեպտեմբերի 21-ին բելառուսական կողմի պահանջով ձերբակալվել եմ Երևանի օդանավակայանում։ Մի քանի ժամ անց ինձ ազատ արձակեցին՝ բելառուսական ձերբակալումը անօրինական ճանաչելով»,- գրել է Լափշինը:
