Իսրայելն ակնկալում է, որ արմատական պաղեստինյան ՀԱՄԱՍ շարժումն ուրբաթ օրը կներկայացնի երեք պատանդների ցուցակը, որոնք ազատ կարձակվեն շաբաթ օրը։ Այս մասին հայտնում է The Jerusalem Post-ը՝ իսրայելցի պաշտոնյային հղումով։
Նրա խոսքով՝ ակնկալվում է, որ կառավարության ղեկավար, Կատարի արտաքին գործերի նախարար Մուհամեդ բեն Աբդել Ռահման Ալ Թանին ցուցակը կուղարկի Իսրայելի հետախուզական «Մոսադ» ծառայության ղեկավար Դեյվիդ Բարնեային։ Ակնկալվում է, որ եթե պատանդներն ազատ արձակվեն հանգստյան օրերին, դա կլուծի զինադադարին սպառնացող ճգնաժամը, նշում է թերթը։
Փետրվարի 10-ին ՀԱՄԱՍ-ի ռազմական խոսնակ Աբու Ուբայդան հայտարարեց Գազայում պահվող պատանդների նոր խմբի ազատ արձակման հետաձգման մասին, որոնք պետք է տուն վերադառնային փետրվարի 15-ին։
