Ռուսաստանի արտգործնախարար Սերգեյ Լավրովը հայտարարել է, որ Մոսկվան սպասում է Տաջիկստանի նախագահ Էմոմալի Ռահմոնին Ռուսաստանի մայրաքաղաքում Հաղթանակի 80-ամյակի տոնակատարությանը։
«Մենք, համաձայն (ՌԴ) նախագահ Վլադիմիր Պուտինի հրավերի, սպասում ենք հարգարժան Էմոմալի Շարիպովիչ Ռախմոնին մայիսի 9-ի տոնակատարություններին»,- ասել է Լավրովը։
Հայտարարությունն արվել է Տաջիկստանի իր գործընկեր Սիրոջիդին Մուխրիդինի հետ հանդիպմանը։
Փետրվարի 10-ին հաղորդվել էր, որ Չինաստանի նախագահ Սի Ծինփինը ընդունել է Հայրենական մեծ պատերազմում հաղթանակի 80-ամյակին նվիրված միջոցառումներին մասնակցելու հրավերը, որոնք տեղի կունենան մայիսի 9-ին Մոսկվայում։
