Չինաստանի Ժողովրդական Հանրապետության արտաքին գործերի նախարարությունը չի մեկնաբանել The Wall Street Journal-ի տեղեկատվությունը Չինաստանում ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի միջև հանդիպում անցկացնելու ենթադրյալ չինական առաջարկի մասին։ Համապատասխան հայտարարությունն արել է Չինաստանի ԱԳՆ պաշտոնական ներկայացուցիչ Գո Ցզյակունը ճեպազրույցում։
«Այս պահին ես կիսվելու որևէ տեղեկություն չունեմ», - ասել է Չինաստանի արտաքին գործերի նախարարության ներկայացուցիչը:
Ավելի վաղ The Wall Street Journal-ը, հղում անելով աղբյուրներին, հայտնել էր, որ Չինաստանն ամերիկյան վարչակազմին առաջարկ է ուղարկել Ռուսաստանի Դաշնության և ԱՄՆ-ի նախագահների հանդիպում անցկացնելու մասին։
